„ПРАВДА ЗА БИТОЛА“, „НЕМА ПРАВДА, НЕМА МИР“ Ромските здруженија излегоа на протест против полициската бруталност (ВИДЕО)

Повеќе граѓански здруженија денеска се приклучија на протестот што го организираше невладината организација „Аваја“, а кој е поврзан со случајот во Битола од минатиот септември кога полицаец физички нападна Ром во центарот на градот откако возачот под дејство на алкохол предизвикал сообраќајна несреќа.

Со пресудата полицискиот службеник е прогласен за виновен и определена му е затворска казна од една година, вела од здружението.

Со протестот се бара пресудата да стане правосилна бидејќи доколку пресудата биде променета тоа ќе значи намалена заштита и слобода на ромската заедница и сите жртви на полициска бруталност.

Оттаму велат дека бараат и Основното јавно обвинителство да ја процесира кривичната пријава во која сите петмина се јавуваат како жртви.