Пратеник одби да носи маска, па го исфрлија од седницата (ФОТО+ВИДЕО)

Италијанскиот пратеник Виторио Згарби насила беше изнесен од собраниската седница затоа што одби да носи маска.

Згарби беше отстранет од седницата откако тој викаше од своето место без вклучен микрофон за време на дебатата за воведување на национален ден против хомофобијата во Италија.

The only opposition to lockdowns & face masks in the Italian Parliament is art historian @VittorioSgarbi MP & mayor of Sutri. Today he was forcefully carried out of parliament for refusing to endorse the big lie of the mask. “Criminals!” He shouts back. pic.twitter.com/ckccZOvf1h

— Robin Monotti Graziadei (@robinmonotti) October 29, 2020

Бидејќи тој одбил да носи маска и бил исклучен, Згарби не сакал да замине, па обезбедувањето го извадило насила, пренесуваат италијанските медиуми.

Згарби тврди дека маската е само изговор да се исфрли од собраниската сала.

– Приложив медицински доказ дека страдам од ринитис веќе 40 години, поради што не смеам да носам маска. Владата и мнозинството во парламентот не толерираат различно мислење. Кога ќе ви го одземат зборот, ќе ве избркаат од парламентот, кое треба да биде место на слобода на мислата и говорот, тогаш тоа е крај на демократијата. Ќе се вратам да кажам што мислам – рече Згарби по исфрлувањето.

Згарби, кој по професија е историчар на уметност, е познат по своето жестоко спротивставување на карантинот и други епидемиолошки мерки, но и по бројните инциденти внатре и надвор од парламентот.