ПРАЌАЈТЕ ПОМОШ, РУСИТЕ ПЛАНИРААТ ОФАНЗИВА ВО МАЈ! Зеленски вели дека Путин нема да застане додека не гo обнови некогашниот СССР
И пред тоа (офанзивата), не само што треба да се подготвиме, не само што треба да ја стабилизираме ситуацијата, бидејќи партнерите понекогаш се навистина среќни што ја стабилизиравме ситуацијата, рече Зеленски.
Украинскиот претседател Володимир Зеленски побара итна помош од Соединетите Американски Држави и најави дека Русија овој мај и јуни спрема голема офанзива во Украина. Тој признава дека со завршувањето на зимата украинските сили кубурат со муниција, опрема и системи „Патриот“.
– И пред тоа (офанзивата), не само што треба да се подготвиме, не само што треба да ја стабилизираме ситуацијата, бидејќи партнерите понекогаш се навистина среќни што ја стабилизиравме ситуацијата – рече Зеленски во интервју за Си-Би-Ес Њуз и додаде:
– Велам дека сега ни треба помош.
Украинскиот лидер вели дека Русија не само што има предност со поголема огнена моќ, туку и огнена моќ со подолг дострел.
– Во Бахмут и Авдивка и Лисичанск и Соледар и така натаму, беше навистина тешко да се бориме против противникот чија артилериска граната може да истрела над 20 километри, а (нашата) артилериска граната може 20 километри помалку – рече тој.
Украинскиот претседател го повика Конгресот да го одврзе ќесето со воена и друга помош за Украина.
– Десетици милијарди остануваат во САД. Да бидеме искрени, парите што ги доделува Конгресот, администрацијата, во повеќето случаи, 80% од овие пари – добро, барем повеќе од 75% – остануваат во САД. Оваа муниција доаѓа кај нас. но производството се одвива таму, а парите остануваат во САД, а даноците остануваат во САД.
Зеленски предупреди дека ако Украина навистина загуби, Путин нема да застане во окупирањето.
– За него, ние сме сателит на Руската Федерација. Во моментов, тоа сме ние, потоа Казахстан, потоа балтичките земји, потоа Полска, па Германија. Најмалку половина од Германија – рече тој.
Зеленски смета дека Путин е решен да го врати поранешниот Советски Сојуз до неговата империјална слава.
– Дури и утре, проектилите можат да летаат до која било држава. Оваа агресија и војската на Путин можат да дојде во Европа, а потоа до граѓаните на Соединетите Американски Држави, а војниците на Соединетите Американски Држави ќе мора да ја заштитат Европа бидејќи тие се членки на НАТО.