Познатиот актер пронајден мртов во станот во Сиднеј (ФОТО)

Австралискиот актер Дитер Брамер почина на 45-годишна возраст. Тажната вест ја потврди на Фејсбук неговиот пријател Стив Коми.

„Срцекршачка вест. Изгубивме личност со слободен дух. Прерано. Беше премногу млад“, напиша тој во објавата покрај фотографијата на актерот.

„Мирор“ пишува дека Дитер бил пронајден мртов во неговиот стан во Сиднеј, а полицијата потврдила за странските медиуми дека неговата смрт не се третирана како сомнителна и дека вештакот ќе подготви извештај, иако постојат сомненија дека актерот се самоубил.

Дитер беше најпознат по улогата на Шејн Париш во сапунската опера „Дом и далеку“, во која глумеше од 1992 до 1996 година. Со таа улога ја започна својата кариера.

Тој исто така глумеше во драмата „Медивац, филмовите „Погребот на Том“ и „Пронаоѓач“, во сапуницата „Краш Палас“, гостуваше и во реалното шоу „Славен циркус“, а имаше улога на гостин во филмот „Човекот од Снежната река“.

ФОТО: Фејсбук