ПОЗНАТА МОДНА ДИЗАЈНЕРКА ПРОНАЈДЕНА МРТВА НА ЈАХТА Сведоци слушнале врескање

Американската дизајнерка Марта Нолан О’Слатара, основачка на модната марка „East x East“, беше пронајдена мртва на јахта во луксузниот јахтинг клуб „Монтаук“, само неколку дена по гламурозната промоција за нејзиниот нов бренд за животен стил.

Марта (33), која беше позната како една од ѕвездите на њујоршката модна сцена и социјалните медиуми, го славеше отворањето на нејзината поп-ап продавница во елитнoто одморалиште Гурни во Монтаук.

Нејзиното безживотно тело беше пронајдено на полноќ на брод наречен Рипл, закотвен во јахт клубот. Сведоците се обиделе да ѝ помогнат, но полицијата во округот Истон Хемптон набрзо ја прогласи за мртва, пишува „Дејли мејл“.

Иако причината за смртта сè уште е непозната, Канцеларијата на округот Сафолк ја води истрагата. Еден сведок изјави дека „Рипл“ всушност бил познат како „чамец за забави“, додека други тврдеа дека бил во сопственост на момчето на Марта, регистриран во Лонг Бич, Њујорк.

На социјалната мрежа ТикТок, Марта споделила видео од нејзините линии на бикини и облека за плажа на 1 јули, со натпис: „постигнати цели“ и ги покани следбениците да го посетат нејзиниот бутик.

Еден локален жител изјавил за „Њујорк пост“: „Таа беше многу пријатна, секогаш насмеана. За ова ќе се зборува многу.“

Марта, според многумина, била добро позната и сакана во заедницата.

Одморалиштето каде што се случила трагедијата се смета за едно од најскапите во Хемптонс – цените на собите достигнуваат 1.500 долари по ноќ во лето, додека во постудените месеци паѓаат на околу 865 долари. Гостите таму уживаат во луксузни апартмани, спа-центри, базени, јахти, велосипедски тури и часови по јога.

Полицијата ја блокираше целата област од 4 часот наутро, ги приведе и испрашуваше гостите до раните утрински часови.