🎥 ПОЗНАТ ТУРСКИ ПЕЈАЧ ПОЧИНА СРЕДЕ КОНЦЕРТ ВО КИПАР Колабирал на бината

Турскиот пејач Волкан Конак почина на 58-годишна возраст, откако му се слошило среде концерт на Кипар.

Конак починал на сцената во текот на концерт на Кипар, по што прва помош се обиделе да му пружат луѓе од публиката.

Прва помош била пружена од присутните пред да биде повикана брзата помош на местото на настанот, пишува на веб-страницата Turkeytoday.

Maalesef kötü haber geldi.
Karadeniz’in, ülkemizin güçlü sesi Volkan Konak’ı kaybettik.
Allah rahmet eylesin.
Sevenlerinin, ülkemizin başı sağ olsun.#volkankonak pic.twitter.com/bhGg0cU9RC

— Emrullah Erdinc (@emrullaherdinc) March 30, 2025

Со возило на брза помош бил пренесен во државната болница Газимагуса во 00:17 часот по локално време. И покрај сите лекарски напори, констатирана е смрт во 00:42 часот. Оваа вест ја потврдија од Министерството за здравство, пренесуваат медиумите.

Целосниот извештај за причините за смртта се очекува од Државната болница Магуса.

Засега не се објавени дополнителни детали во врска со природата на состојбата на Конак или одржувањето на концертот.

Конак беше сакана личност во турската музика, позната по спојувањето на фолк и модерните стилови.