ПОЖАРОТ ВО ВАРДАРИШТЕ Е СТАВЕН ПОД КОНТРОЛА Се враќа струјата во скопските населби
Директорот на ДЗС, Стојанче Ангелов, потврди дека пожарот во депонијата Вардариште е целосно контролиран, а електричната енергија постепено се враќа во скопските населби.
Пожарот што денеска избувна на депонијата Вардариште е ставен под целосна контрола – соопшти директорот на Дирекцијата за заштита и спасување (ДЗС), Стојанче Ангелов.
– Пожарот во депонијата Вардариште е целосно ставен под контрола. Набргу, дел по дел, ќе биде пуштена електричната енергија – изјави Ангелов.
Според најновите информации, електрична енергија веќе е пуштена во делови од населбата Лисиче, како и во Горно и Долно Лисиче, а снабдувањето со струја е нормализирано и во Аеродром. Очекувањата се во текот на вечерта електричната енергија целосно да биде вратена и во останатите погодени делови на градот.
Со успешната интервенција на противпожарните служби и тимовите на ДЗС, опасноста за проширување на огнот е елиминирана.
Можеби ќе ве интересира