ПОЖАРОТ НА ГАЛИЧИЦА СЕ ДОБЛИЖУВА ДО ОХРИД Се апелира да се вклучат доброволци во гаснењето

Повеќе од една недела се гасне пожарот на Галичица. вчера пожарникарите го гаснеа жариштето со два воздухоплова – едниот од преспанската страна кај Стење-Лескоец и другиот на охридската страна на запад кај месноста Војтино. Се очекува утрово да им се приклучат и доброволци.

Од вчера на Фејсбук групата „Охриѓани“ се апелира во активностите да се вклучат и граѓаните бидејќи пожарот премина и на страната на Охрид.

„По консултација со планинската спасителна служба, сите физички спремни доброволци, во 7 часот да се пријават кај планинарската куќа Спиридон, (после Црквичето Св. Ѓорѓија на Галичица накај Ресен од десна страна) со свој алат, мотика или гребло! Најбитно е да сте физички подготвени со базична планинарска опрема, кондури итн. Досега само по 3-4 доброволци на ден се пријавувале, затоа ајде да се собереме  поголем број да си ја спасиме Галичица. За жал моментално нема друга (поголема) организација за спас на националниот парк!“ се вели во апелот.