Пожар во ТВ ВИС, изгоре сета опрема
Рано утрово околу 2 часот изби пожар во зградата на поранешната касарна во Струмица каде се сместени просториите на регионалната ТВ канал ВИС.
Можеби ќе ве интересира
Во пожарот зафатени биле телевизиското студио и техниката. Увидна екипа на полицијата треба да дојде во текот на денот откако ќе се изгасне пожарот. Истрагата треба да покаже кои се причините на избивање на пожарот и колкава е материјалната штета.
ТВ канал ВИС соопшти дека нема да ги остави гледачите без содржини. Телевизиските екипи ќе работат и понатаму на терен, ќе ги информираат граѓаните за сѐ што се случува во регионот преку официјалната web страна, фан страната на facebook, а вестите ќе се емитуваат на официјалниот youtube канал.