ПОЖАР ВО ШУМАТА ОКОЛУ ЧЕРНОБИЛ Горат повеќе од 10.000 хектари во зона контролирана од Русите
Денисова тврди дека во моментов е невозможно пожарот да се стави под контрола и да се изгасне бидејќи оваа зона, во која е забранет пристапот на граѓаните поради високото ниво на радијација, е под контрола на руските сили.
Во рестриктивната зона околу нуклеарната централа Чернобил избувна голем пожар поради борбите, изјави комесарката на украинскиот парламент за човекови права Људмила Денисова и ја повика Меѓународната агенција за атомска енергија итно да испрати помош.
„Горат повеќе од 10.000 хектари шума, што може да предизвика зголемување на нивото на радијација во воздухот“, соопшти Денисова на Фејсбук, пренесена од Укринформ.
About 10.000 hectares of forest in the exclusion zone near the #Chernobyl NPP are already burning as a result of hostilities.
This can threaten radioactive contamination to #Ukraine, #Belarus and #European countries, writes #Ukrainian human rights ombudsman Lyudmila Denisova. pic.twitter.com/9X6LSijG9R
— NEXTA (@nexta_tv) March 27, 2022
Денисова тврди и дека во моментов е невозможно пожарот да се стави под контрола и да се изгасне бидејќи оваа зона, во која е забранет пристапот на граѓаните поради високото ниво на радијација, е под контрола на руските сили.
Таа предупреди дека пламенот може да ги зафати складиштата за потрошено нуклеарно гориво и објектите со нуклеарен отпад во зоната на Чернобил, како и дека поради сувото и ветровито време може да дојде до пожари од големи размери.