ПОЖАР ВО БЛИЗИНА НА ВОЕН ОБЈЕКТ ВО СКОПСКО Активиран е и армиски хеликоптер за гаснење
На терен гаснат екипи на Бригадата за противпожарна заштита на Град Скопје.
Пожар на отворен простор избувна на патот за селото Бродец, на местото викано Рамно во Општина Чучер Сандево информираа од Центарот за управување со кризи.
На терен пожарот го гаснат екипи на Бригатата за протипожарна заштита на Град Скопје, а е активиран и армиски хеликоптер.
– Поради комлексноста на состојбата и поради тоа што пожарот од едната страна е проширен кон високата дабова и букова шума од ридот, екипите се соочија со потешкотии при гаснењето на пожарот, при што беше неопходна поддршка од воздух. Директорот на Центарот за управување со кризи, Стојанче Ангелов преку секторот за операции и координација во ЦУК веднаш покрена постапка за подигање на армиски хеликоптер. На просторот каде што избувна пожарот се наоѓаат и воени армиски објекти, кои со поддршка на припадниците на АРСМ успешно се локализирани – информира ЦУК.
Во моментов се очекуваат првите налети и дејствување од воздух. Согласно процедурите на ЦУК, искоординирани се и МВР, ДЗС и Шумско стопанство Караџица.