📽️ ПОЖАР КАЈ ТУТУНСКИОТ КОМБИНАТ Густ чад видлив од повеќе делови на градот
Пожар изби во автомеханичарска работилница во близина на Тутунскиот комбинат. Благодарение на брзата интервенција на пожарникарите, огнот е изгаснат и нема повредени.
Попладнево изби пожар во автомеханичарска работилница во близина на Тутунскиот комбинат, при што густ чад се издигна над објектите и беше видлив од повеќе делови на градот.
Според првичните информации, огнот зафатил дел од работилницата и материјали во кругот на комбинатот, што предизвика вознемиреност кај граѓаните во околината.
На местото на настанот брзо интервенираа екипи на противпожарната служба, кои по кусо време успеаја да го локализираат и целосно да го изгаснат пожарот, спречувајќи негово понатамошно ширење.
На терен беа присутни и полициски екипи, возила на ЕВН, како и екипа на Итната медицинска помош, како превентивна мерка.
Засега нема информации за повредени лица, а надлежните служби работат на утврдување на причините за избувнувањето на пожарот.
Повеќе детали се очекуваат во текот на денот.
View this post on Instagram