🎥 ПОЖАР ИЗБУВНА КАЈ САЛАТА „БОРИС ТРАЈКОВСКИ“ Публиката евакуирана, девет полицајци завршија на Токсикологија

1,086

Денеска околу 16:00 часот во непосредна близина на спортскиот центар „Борис Трајковски“ во Скопје настанал пожар, информираше Министерството за внатрешни работи (МВР).

„И покрај неповолните временски услови, од страна на полициски службеници ангажирани за физичко обезбедување на меѓународниот ракометен турнир заедно со екипа од противпожарна заштита, преземени се мерки и активности со цел спречување на ширење на огнот и зафаќање на моторни возила и објекти како и лизгалиштето што е во склоп на спортскиот центар. Исто така безбедно е направена евакуација на учесниците на турнирот и сите други спортски работници и публика“, информираше МВР.






Во соопштението е наведено дека 9 полицајци завршиле на Токсикологија откако вдишале чад.

„Како последица на настанатиот пожар девет полициски службеници се на кислородна поддршка на Одделот за токсикологија поради вдишување на чад и се во стабилна состојба“, соопшти МВР.

Видеото погледнете го ТУКА.

Поврзани содржини