ПОВРЕДЕНИ Ѝ СЕ ПРШЛЕНИТЕ, ГРАДНИОТ КОШ И ГЛАВАТА? Родилката што скокна од прозорец сѐ уште е во тешка здравствена состојба
Државниот санитарен и здравствен инспекторат во моментов врши вонреден инспекциски надзор на Универзитетската клиника за гинекологија.
Не е променета здравствената сосотојба на 39-годишната родилка од Скопје, која во неделата вечерта скокна од прозорец од први кат на Клиниката за Гинекологија и акушерство.
Таа сѐ уште се бори за живот на КАРИЛ и е во тешка здравствена состојба и покрај извршената операција, по падот од зградата, информираше ГАК.
Неофицијално, родилката има тешки повреди на вратниот ‘рбет, градниот кош и главата.
Државниот санитарен и здравствен инспекторат во моментов врши вонреден инспекциски надзор на Универзитетската клиника за гинекологија.
– По изготвување на извештајот од страна на ДСЗИ, јавноста навремено ќе биде информирана – велат од Министерството за здравство.
РОДИЛА ДЕТЕ, ПА СЕ ФРЛИЛА ОД ПРОЗОРЕЦ 39-годишна скопјанка со тешки повреди е пренесена на КАРИЛ