ПОВЕЌЕКРАТНИОТ ОСУДЕН ПЕДОФИЛ ОФИЦИЈАЛНО БАНКРОТИРАШЕ Поранешната рок-ѕвезда сексуално злоставувал малолетнички 

Гери Глитер, повеќекратниот осуден педофил и поранешна глам рок-ѕвезда и официјално е банкрот.

Гери Глитер не платил повеќе од 500.000 фунти како отштета на жена која ја злоставувал кога имала 12 години.

Таа го тужела британскиот пејач откако беше прогласен за виновен за напад на уште две ученички помеѓу 1975 и 1980 година.

Глитер (80) беше во затвор од 2015 година, а беше ослободен во 2023 година. Меѓутоа, тој беше вратен во затвор помалку од шест недели подоцна, откако ги прекрши правилата за условно ослободување.

Судијата и додели на жената 508.800 фунти, вклучувајќи 381.000 фунти за изгубена заработка и 7.800 фунти за идна терапија и лекување, велејќи дека таа претрпела злоставување од „најсериозен вид“.

 

Судот заклучил дека таа не работела со децении поради траумата, откако пејачот повеќепати ја силувал и „понижувал“.

Судијата официјално го прогласи банкротот на Гери.

Глитер првпат беше осуден на четири месеци затвор во 1999 година, откако призна дека поседувал околу 4.000 непристојни фотографии на деца.

Тој беше протеран од Камбоџа во 2002 година, а во март 2006 година беше осуден за сексуално злоставување на две девојчиња на возраст од 10 и 11 години во Виетнам, каде што помина две ипол години во затвор.

Глитер беше една од најголемите музички ѕвезди во 1970-тите.

На врвот на својата слава, Глитер нападнал две девојчиња на возраст од 12 и 13 години кога ги поканил во просторија зад сцената.

Најмладата жртва имала помалку од 10 години.

Тој се прикрал во нејзиниот кревет и се обидел да ја силува во 1975 година.

При изрекувањето на пресудата, судијата Алистер Мекрит рекол дека не успеал да најде докази дека Глитер се искупил за злосторствата.

Злоставувањето на девојчето помладо од 10 години од страна на Глитер, судијата го опишал како „грозоморно“.

„На сите им нанесовте вистинска и трајна штета и тоа не сте го направиле за друга причина освен заради сексуално задоволување од целосно несоодветен вид“, рекол тогаш судијата Мекрит.