ПОВЕЌЕ ОД 20% ОД ЛУЃЕТО ВО СВЕТОТ ИМААТ ГЕНИТАЛЕН ХЕРПЕС Секоја минута по еден човек се заразува со вирусот
Најмалку едно лице се заразува со генитален херпес секоја секунда, што е еквивалентно на 42 милиони луѓе годишно, а 846 милиони луѓе во светот живеат со инфекција со вирусот, според истражување на СЗО.
Студијата на Светската здравствена организација (СЗО) покажува дека 20% од луѓето, на возраст од 15 до 49 години, во светот имаат генитален херпес.
Тоа значи дека 846 милиони луѓе во светот живеат со инфекција со генитален херпес, според СЗО, пренесува ДПА.
Најмалку едно лице се заразува со вирусот секоја секунда, што е еквивалентно на 42 милиони луѓе годишно, според истражувањето на СЗО, објавено денеска во списанието „Сексуално преносливи инфекции“, врз основа на проценките од 2020 година.
Гениталниот херпес е една од најчестите сексуално преносливи болести и го зголемува ризикот од инфекција со вирусот кој ја предизвикува болеста СИДА, ХИВ. Но, околу 90% од заразените немаат никакви или имаат малку симптоми.
Кога ќе се појават симптоми, тие може да вклучуваат болен осип во пределот на гениталиите и треска.
Херпес вирусите остануваат во телото доживотно и можат да предизвикаат повторени инфекции.
Ова може да биде сериозно за бебињата ако нивната мајка се зарази доцна во бременоста и ја пренесе инфекцијата на детето за време на породувањето, според СЗО.