Повеќе од 2.000 граѓани потпишаа петиција за онлајн настава, придружете се и вие!
Повеќе од 2.000 граѓани потпишаа петиција за онлајн настава. Во неа се бара наставата во новата учебна година да се одвива онлајн. Нејзини автори се група родители кои вчера упатија и официјално барање до институциите да донесат одлука наставата да се одвива онлајн за сите ученици.
Петицијата можете да ја потпишете на следниот ЛИНК.
Во продолжение, го пренесуваме целиот текст на петицијата:
„Барања за онлајн настава
Почитувани, имајќи ја предвид состојбата со ковид-19 во државата и нејзиниот импакт во сите сфери на човековото живеење, како загрижени родители за здравјето на своите деца, семејството, просветниот кадар и воопшто јавното здравје, бараме учебната година да се реализира ОНЛАЈН – настава од далечина,
Оттука, бараме:
1. Да се донесе одлука за онлајн настава на далечина во училиштата за сите ученици, а посебно да бидат опфатени децата од 1-во до 5-то одделение, имајќи ја предвид возраста и неможноста за самостојно почитување на здравствените протоколи. Понатаму, единствено со онлајн настава ќе се заштитат децата, наставниците, родителите и нивните блиски, вработените, ризичните групи и целата популација.
Моделот што имавме можност да го видиме, а вклучува 2 часа дневен физички престој во училиште, под маски и со физичка дистанца, сменска настава, скратена програма и зимски распуст од 180 денови, е модел кој нема да обезбеди здрава средина за развој, социјализација и едукација и не го поништува ризикот од заразување и изложување на ризик на целокупното население. Со предложениот модел за физичко присуство, дополнително се комлицираат обврските на родителите, а доколку во целиот тој процес бидат вклучени бабите и дедовците (што се чини неминовно), доколку родителите се на работа, се ризикува животот на најранливата категорија граѓани.
2. Без исклучок да биде дадена можноста еден од родителите на децата до 10-годишна возраст да биде ослободен од работа или да има скратено работно време. Децата до оваа возраст не можат самостојно да престојуваат дома, особено кога можноста за целодневна настава е исклучена. Потребата од родител постои и во понудениот модел со скратена настава и сменско работење.
3. Бараме, односно предлагаме као платформа за изведба на онлајн учењето да биде избрана Microsoft teams или друга соодветна алатка.