ПОТВРДЕНО ШТО ЛЕКУВА ПРОТИВ КОВИД Состојката во мајчиното млеко е најефикасна, достапна е во аптеките
Откривме дека лактоферинот е исклучително ефикасен во спречувањето на инфекцијата, а тој делува подобро од сѐ што сме истражувале, рече Секстон.
Од почетокот на пандемијата, некои научници се фокусираа на развој на вакцини, а други на откривање лекови кои можат да помогнат во борбата против вирусот или да ги ублажат симптомите на ковид-19.
Вакцините, кои се најдобриот начин да се спречи инфекцијата, се развиени во рекордно време. Но, сѐ уште нема ефективни лекови. Бидејќи развојот на нови лекови обично трае со години, а ние немаме толку време, некои научници се прашуваат дали некои постоечки лекови или додатоци во исхраната може да бидат ефикасни во борбата против ковид-19.
Таквите лекови веќе ги поминаа безбедносните проверки и веќе ги добија сите одобренија, така што може да се избегне макотрпната работа и трошоците.
Една нова студија, објавена во „Proceedings of the National Academy of Science“, покажа дека постојат некои одобрени лекови и еден додаток во исхраната кои го блокираат или намалуваат количеството на вирусот САРС-КоВ-2 во клетките.
Лекови бара вештачката интелигенција
Истражувањето користеше вештачка интелигенција која овозможува анализа на слики од човечки клеточни линии за време на инфекцијата.
Клетките беа третирани со повеќе од 1.400 индивидуални лекови и соединенија одобрени од Американската администрација за храна и лекови (ФДА) пред или по вирусна инфекција, а анализата на резултатите откри 17 можни кандидати. Десет од нив се одобрени неодамна, од кои седум се веќе идентификувани во претходните студии за конверзија на лекови. Меѓу нив беше и ремдесивир, кој веќе доби одобрување како еден од ретките лекови за ковид-19 кај хоспитализираните пациенти.
– Традиционално, процесот на развој на лекови трае една деценија, а ние едноставно немаме една деценија – рече д-р Џонатан Секстон, асистент професор по интерна медицина на Медицинскиот факултет на Универзитетот во Мичиген, кој е еден од високите автори на студијата.
– Терапиите што ги откривме се добро позиционирани за клиничките испитувања во фаза 2, бидејќи нивната безбедност е веќе утврдена – додаде тој.
Мајчиното млеко е најефикасно
Тимот потврди 17 кандидатски соединенија во неколку типови клетки, вклучително и белодробни клетки добиени од човечки матични клетки, во кои се обиде да имитира инфекција на респираторниот тракт со вирусот САРС-КоВ2. Девет соединенија покажаа антивирусна активност кога се користат во разумни дози, вклучително и лактоферин, протеин присутен во мајчиното млеко кај цицачите, а кој е достапен без рецепт како додаток во исхраната добиен од кравјо млеко.
– Откривме дека лактоферинот е исклучително ефикасен во спречувањето на инфекцијата, а тој делува подобро од сѐ што сме истражувале – рече Секстон.
Тој додаде дека раните податоци сугерираат дека ефикасноста постои дури и кај инфекции со понови варијанти на САРС-КоВ2, вклучително и високо преносливата делта варијанта.
Тимот планира да започне клинички испитувања на соединението наскоро за да ја тестира неговата способност да го намали вирусното оптоварување и воспаление кај вистински пациенти со инфекција со САРС-КоВ2.
Овие испитувања ја проширија листата на можни студии за намена на лекови што во моментов се водат низ целиот свет. Секстон истакна дека за време на пандемијата, некои други студии за конверзија на лекови идентификувале некои други соединенија со потенцијална ефикасност против САРС-КоВ2.
– Се чини дека резултатите зависат од тоа кои клеточни системи се користат – рече тој.
– Но, постои растечки консензус за подмножество ветувачки лекови и овие се оние кои имаат најголем приоритет за клиничко прераспоредување. Очекуваме дека повеќето од нив нема да влијаат врз човечките суштества, но веруваме дека ќе има такви што ќе делуваат – додаде тој.
Некои лекови го влошуваат коронавирусот
Особено интересно е што новата студија исто така идентификува класа на соединенија наречени МЕК-инхибитори, кои најчесто се пропишани за лекување на рак, и кои се чини дека ја влошуваат инфекцијата со САРС-КоВ2. Ова откритие фрла нова светлина за тоа како вирусот се шири меѓу клетките.
– Луѓето кои одат на хемотерапија веќе се изложени на ризик за намален имунолошки одговор. Треба да истражиме дали некој од овие лекови ја влошува прогресијата на болеста – рече Секстон.
Следниот чекор, истакна тој, ќе биде употребата на електронски здравствени досиеја за да се утврди дали пациентите на овие лекови имаат послаби резултати од ковид-19.
Ова истражување е едно од првите големи откритија што произлегоа од новиот Центар за конверзија на лекови (ЦДР), основан во ноември 2019 година, на почетокот на пандемијата, на Универзитетот во Мичиген.
– Претворањето на постојните терапевтски интервенции во клинички услови има многу придобивки што резултираат со значително пократко време поминато од откривање до клиничка употреба, вклучувајќи документирани безбедносни профили, намален регулаторен товар и значителни заштеди – рече Џорџ А. Машур, основач и извршен спонзор на ЦДР.