Потресни слики од болница во Детроит, трупови во просториите за одмор на лекарите
Труповите во бели кеси лежат едни врз други во гаражата, ладилникот во болничкиот паркинг, во просториите на докторите, па дури и во собите за одмор на лекарите и медицинскиот персонал за време на дежурство.
Вработените во болницата „Sinai-Grace“ во Детроит не можат да постигнат починатите од коронавирусот достојно да ги испратат, затоа што со иста брзина се зголемува бројот на новопочинати, па телата во бели кеси ги редат едни врз други во гаражата, ладилникот во болничкиот паркинг, во просториите на докторите, па дури и во собите за одмор на лекарите и медицинскиот персонал за време на дежурство.
Фотографиите од труповите биле разменети меѓу вработените во службите за итни случаи во болницата, а едната од нив е испратена до „CNN“, објавија од телевизијата.
Вработените во болницата потврдија за американската телевизија дека фотографиите ги прикажуваат нивните непреспиени 12-часовни смени oд почетокот на април.
Другата фотографија која ја поседува „CNN“ ја прикажува внатрешноста на ладилникот на болничкиот паркинг, во кој телата на починатите се наредени едни врз други.
Како што изјавија за „CNN“ од болничкиот персонал, за сместување на телата се користени некои соби во болницата, вклучително и просторијата што се користела за различни студии за спиење во нормални услови.
Вработените, кои побарале анонимност од страв од губење на работното место, изјавија за „CNN“ дека просториите на болницата се користат за оваа намена затоа што вработените во мртовечницата не работат ноќе, и затоа што мртовечниците во Детроит се полни.
– Сè што знам е дека останавме без кревети за пациенти, така што не можевме да оставиме ниту еден од оние кревети за мртвите – рече еден од вработените во службата за итни случаи.
На една фотографија се прикажани две тела поставени на еден кревет и трето тело поставено на стол веднаш до нив.
Сите тела се спакувани во бели пластични кеси.
THREAD: This is the true human cost of #COVID that you don’t see on TV very often. CNN obtained photos from ER staff at a Detroit hospital, showing bodies pilled up in vacant spaces because the morgue was full. Nearly 1,500 people have died in Michigan, and 23,000 nationwide. pic.twitter.com/zqzkv1sZAB
— Marshall Cohen (@MarshallCohen) April 13, 2020