ПОТПИШЕТЕ ИЛИ ЌЕ ИМА УШТЕ МРТВИ ВО НОВ НАПАД Трамп остро се закани кон Иран по акцијата на Израел
Веќе има многу смрт и уништување, но сè уште има време да се запре овој масакр, бидејќи следните напади што се веќе планирани ќе бидат уште побрутални. Иран мора да склучи договор, пред да остане ништо и да го спаси она што некогаш беше познато како Иранска империја, напиша Трамп на својата социјална мрежа повикувајќи го Иран едноставно да го склучи нуклеарниот договор со САД.
Американскиот претседател Доналд Трамп, го коментираше нападот на Израел врз Иран и му се закани на исламскиот режим. Тој го повика Иран да склучи нуклеарен договор со САД „пред да биде предоцна“. Трамп вели дека по израелскиот напад „сите се мртви во Иран“, но дека „ќе стане уште полошо“.
„Му дадов повеќе шанси на Иран да склучи договор. Им реков, со најемпатични зборови, „Само направете го тоа“. Но, без разлика колку се трудеа, без разлика колку се приближуваа до потпис, едноставно не можеа. Ги предупредив дека ќе биде многу полошо отколку што си замислуваа, очекуваа или им беше кажано, дека Соединетите Држави произведуваат најдобро и најсмртоносно оружје во светот, убедливо, и дека Израел има многу од овие оружја, а дека наскоро ќе има уште повеќе. И тие знаат како да ги користат. Некои тврдокорни во Иран зборуваа смело, но не знаеја што ги чека. СИТЕ СЕ МРТВИ сега – и ќе стане полошо! Веќе има многу смрт и уништување, но сè уште има време да се запре овој масакр, бидејќи следните напади што се веќе планирани ќе бидат уште побрутални. Иран мора да склучи договор, пред да остане ништо и да го спаси она што некогаш беше познато како Иранска империја. Крај на смртта, крај на уништувањето – САМО НАПРАВЕТЕ ГО ТОА, ПРЕД ДА БИДЕ ПРЕДОЦНА. Бог нека ве благослови сите вас“, објави Трамп на неговата социјална мрежа Truth Social.