Постои уште еден симптом кој укажува дека сте заразени со Ковид-19

Висока температура, сува кашлица и тешкотии во дишењето. Ова се симптомите на Ковид-19, но оториноларинголозите сега откриваат дека постои уште еден симптом, а тоа е губењето на чувството за мирис.

Како што изјавил вториот човек на француското Министерство за здравство, Џером Саломон, илјадници луѓе заболени со коронавирусот пријавиле дека не чувствуваат мирис. Како пример, тој го посочил и заразениот француски кошаркар Руди Гоберт, кој самиот рекол дека го загубил чувството за мирис.

– Во случај на таква појава треба веднаш да го повикате лекарот и да избегнувате самолекување – рекол Саломон.

Тој исто така додал дека овој симптом е многу редок и дека најчесто се јавува кај младите пациенти кои имаат блага клиничка слика на Ковид-19.