ПОСТАПКАТА ЗА УРБАНИЗАЦИЈА И ИЗГРАДБА НА ХИПЕРМАРКЕТИ ЌЕ ЈА ВОДИ МИНИСТЕРСТВОТО ЗА ТРАНСПОРТ Поради бавните општински административци, инвеститорите ги пробиваат роковите
Исто така со предвидените измени на Правилникот се намалуваат и административните постапки кои влијаат на брзата реализација на инвестициите.
Министерството за транспорт го менува Правилникот за урбанистичко планирање со што ќе се овозможи постапката за урбанизација и изградба на супермаркети и хипермаркети со површини поголема од 5.000 квадратни метри, да се одвиваат преку ова министерство.
Од Министерството наведуваат дека основна причина измените е да се забрза постапката бидејќи досега урбанизацијата за овој тип на градби на локално ниво се одвиваше со забавена динамика.
-Државата со оваа измена обезбедува помош на инвеститорите преку поефикасна и побрза реализација на инвестиционите планови- велат од Министерството за транспорт.
Исто така со предвидените измени на Правилникот се намалуваат и административните постапки кои влијаат на брзата реализација на инвестициите.
Цел на оваа подзаконска измена, велат од Министерството, е да се поттикне конкуренцијата и да ги намали инфлаторните движења во услови на силни предизвици во делот на снабдување во синџирите на исхрана.
-Забрзаните постапки не се само административни измени, тоа е мерка која ќе обезбеди посилна конкуренција и динамичен развој на државата. Сметаме дека преку овој пристап инвеститорите добиваат поголема сигурност и предвидливост во постапките- велат од Министерството.
Денеска во Министерството се водеше стручна расправа за измените на Правилникот за урбанистичко планирање.