ПОСЛЕ ДВЕ ГОДИНИ ПАНДЕМИЈА Прв случај на ковид на Куковите Острови
Оваа островска земја досега немаше забележано инфекции со ковид, а и покрај тоа процентот на вакцинација изнесува 96 проценти.
Една од последните оази без ковид-19 беа Куковите Острови, мала пацифичка земја која се протега на 15 острови и според последниот попис брои 17.459 жители.
Но ова се промени откако после две години светска пандемија на островот е забележан првиот заразен со ковид, патничка која пристигнала од Нов Зеланд.
„Иако е асимптоматски случај патничката после позитивниот тест е ставена во изолација, а истите мерки ќе важат и за нејзините сопатници“ изјави премиерот Марк Барун.
По овој случај започнато е тестирање на сите контакти на заболената и досега не е забележана трансмисија, но на сила стапија некои мерки како што е забраната за патување меѓу островите. На островот нема паника, а граѓаните се приджуваат до мерките на претпазливост. Процентот на вакцинација на Куковите Острови е доста висок па така 96 проценти од населението е имунизирано.
После овој случај на ковид единствени земји кои официјално немаат ниеден заболен останаа: Северна Кореја, Туркменистан, Тувалу и Наруру.