СЕСТРАТА НА „ЕЛ НИЊО“ ЌЕ НИ ГО ОЛАДИ ЛЕТОТО? Бурата доаѓа побрзо одошто се прогнозираше

Светот се бори со топлата бура „Ел Нињо“, во превод дете, кое е нарекувано и бесно детиште, но за неколку месеци неговата „ладна сестра“ Ел Ниња може да ни го скрати летото и да донесе дождливи периоди. Ладната „Ла Ниња“ може да пристигне уште ова лето, наместо наесен како што беа прогнозите во јануари, Нејзините ефекти можат да бидат видливи и во пролетните месеци што ќе значи дожд и снег.

Прогнозерот Славчо Попоски вели дека тоа ќе влијае и на летото:

„Оваа година за разлика од минатите години, летото би можело да биде пократко, но и без некои долги екстремно топли бранови, но и со повеќе временски непогоди и врнежи. Топлиот феномен „Ел Нињо“ ќе започне да ја намалува својата сила уште во пролетните месеци, а значително ќе ослабне во текот на летото, со што ќе добива на сила ладниот феномен „Ла Ниња”, објави прогнозерот Славчо Поповски.

„Сестрата“ е дел од петгодишниот циклус на „Ел Нињо“, а ќе трае девет месеци. На кратко, менувањето на струите ќе направи цела вода од Океанија да се движи кон Јужна Америка. Ова во некои делови од светот ќе донесе бури, а во други суша.

Во земји како Колумбија, Еквадор, Перу и северен Чиле ќе се намали нивото на морето, а ќе се зголеми во Океанија.

Ладни води ќе потечат долж Екваторот, па температурите таму ќе бидат под просечните. Сето тоа ќе предизвика поплави и врнежи во Југоисточна Азија, делови од Африка, Бразил и Австралија. Поплавите во овие региони ќе станат вообичаени.

Во САД ќе зачестат ураганите и тропските бури, а во некои јужни делови од САД може изненадно да се појави снег.

Ла Ниња ќе донесе и суши во места како западна Америка, Мексико и североисточна Африка.

Во случајот на Шпанија и Европа воопшто, врнежите може да се зголемат значително.

Името Ла Ниња е избрано затоа што е спротивно на Ел Нињо.