„Пошта“ се извини и ја повлече марката со карта на Голема Хрватска
Оттаму признаваат дека на поштенската марка е претставена е погрешна карта на Република Хрватска и другите земји од регионот и поради тоа марката веднаш се повлекува од употреба што подразбира поништување на целокупно издадениот тираж од 6.000 примероци.
АД „Пошта на Северна Македонија“ – Скопје преку соопштение се извини за ненамерната грешка и техничките пропусти при објавување на пригодната поштенската марка од серијата „Северна Македонија во ЕУ“ чија цел е одбележување на претседавањето на Република Хрватска со ЕУ.
Оттаму признаваат дека на поштенската марка е претставена е погрешна карта на Република Хрватска и другите земји од регионот и поради тоа марката веднаш се повлекува од употреба што подразбира поништување на целокупно издадениот тираж од 6.000 примероци.
„Изразуваме жалење за ненамерната грешка, особено што, издавањето на серијата поштенски марки ‘Северна Македонија во ЕУ‘ се поклопува со 9 Мај, Денот на Европа. Наша цел беше со оваа поштенска марка да изразиме благодарност до хрватското претседателсво со ЕУ за помошта и поддршката која Република Хрватска ѝ ја дава на нашата Држава“, наведено е во соопштението.