ПОСЕДУВАЛ ВИДЕО СО СЕКСУАЛЕН ОДНОС МЕЃУ ЖЕНА И 10-ГОДИШНО ДЕТЕ Обвинение за учесник во „Јавна соба“
Осомничениет на телефонот презел повеќе фотографии и видео снимки со експлицитна содржина, меѓу кои и видео снимка со очигледни полови дејствија помеѓу жена и дете на возраст под 10 години,
По спроведена истражна постапка, Основното јавно обвинителство Велес до Основниот суд во Велес поднесе oбвинителен акт против лице на возраст од 22 години, за кривично дело – производство и дистрибуција на детска порнографија.
„На обвинетиот му се става на товар дека во месец јануари 2021 година, преку сопствениот мобилен телефон, набавил и поседувал видео снимки со детска порнографија. Користејќи ја мобилната апликација Телеграм инсталирана на мобилниот телефон, со сопствен кориснички профил, се приклучил во групата Јавна соба со намера да прегледува фотографии и снимки со експлицитна содржина“ – велат од обвинителството.
Од истиот извор се наведува и дека осомничениет на телефонот презел повеќе фотографии и видео снимки со експлицитна содржина, меѓу кои и видео снимка со очигледни полови дејствија помеѓу жена и дете на возраст под 10 години, како и видео снимка со очигледни полови дејствија помеѓу деца – момче и девојче на возраст под 18 години. Таквите видео снимки ги зачувал во својот мобилен телефон што е утврдено од извршената форензичка анализа на телефонот.
Заради обезбедување на присуство во текот на кривичната постапка, надлежниот јавен обвинител достави и предлог да продолжат мекрите на претпазливост кои му беа веќе определени на обвинетиот во текот на истражната постапка.