Посебен сообраќаен режим кон скопските гробишта за Задушница
Поради верскиот празник Задушница, денеска и утре, во периодот од 6 до 16 часот, на гробиштата во Бутел, Камник и во Ѓорче Петров, каде се очекува зголемен интензитет на сообраќајот, од страна на Одделението за безбедност на патниот сообраќај ќе бидат преземени посебни мерки за безбедно и непречено одвивање на сообраќајот во посочените реони, информираат од Министерството за внатрешни работи.
Можеби ќе ве интересира
Од таму дополнуваат дека сообраќајот ќе се одвива во една насока (кружно), односно, сите возила ќе се упатуваат по улица Александар Урдаревски, во продолжение по локален пат за село Мирковци, до влезот за гробиштата на улица Боца Иванова и излегување на улица Александар Урдаревски.
По потреба, сообраќајот ќе биде пренасочен и на гробишта Ѓорче Петров по улица Црногорска, а на гробиштата Камник по улица Јужноморавски бригади и улица Роман Каскалиевиќ.