ПОРАСТ ОД 6,3 ОТСТО НА ИНДУСТРИСКОТО ПРОИЗВОДСТВО ВО ФЕВРУАРИ Најголем пораст бележи рударството од 25,2 отсто
За два месеци од годинава споредени со двата месеца од 2021 година растот на производството во индустријата е 3,6 отсто.
Индустриското производство во првите два месеца од годинава во споредба со истиот период лани е зголемено за 3,6 отсто. Во февруари 2022 година, во однос на февруари 2021 година, пак, е поголемо за 6,3 отсто, покажуваат податоците на Државниот завод за статистика.
Гледано по сектори, индустриското производство во секторот „рударство и вадење на камен“ во февруари 2022 година, во однос на февруари 2021 година, бележи пораст од 25.2 отсто, во секторот „преработувачка индустрија“ од 4 отсто, а во секторот „снабдување со електрична енергија, гас, пареа и климатизација од 9,6 отсто.
Можеби ќе ве интересира
Податоците покажуваат дека во февруари е забележан пад на производството во текстилната индустрија, и тоа кај производството на текстил за 14,5 отсто , а кај производството на облека од 0,3 отсто, потоа во производството на прехранбени производи и пијалоци и производството за опрема за транспорт.