ПОРАНО ИЛИ ПОДОЦНА ЌЕ ИМА ПРЕДВРЕМЕНИ ИЗБОРИ Власта не сака да си замине оти знае дека ќе одговара
Јас не очекувам дека оваа криминална власт ќе сака да ги напушти дебелите црвени килими и кожените фотелји каде е залегната и привилегиите кои ги ужива на грбот на народот, порача лидерот на опозициската ВМРО-ДПМНЕ.
Порано или подоцна ќе има предвремени параламентарни избори, порача денеска лидерот на ВМРО-ДПМНЕ, Христијан Мицкоски, додавајќи дека власта не сака да си замине оти е свесна дека ќе треба да одговара.
– Јас не очекувам дека оваа криминална власт ќе сака да ги напушти дебелите црвени килими и кожените фотелји каде е залегната и привилегиите кои ги ужива на грбот на народот. Не очекувам дека тоа ќе го прифатат и едноставно ќе заминат, затоа што се свесни дека после тоа следува одговорност. Но, затоа сме ние опозиција, затоа ја добивме довербата од народот на минатите локални избори, тоа ќе се случеше и на предвремените парламентарни да беа оној грабеж и масовен брутален поткуп што се случуваше со картичките. Но, подоцна или порано ќе се случат тие парламентарни избори, а потоа следува одговорност за сите овие погрешни политики што македонскиот народ и граѓаните се сведоци изминатите четири години – истакна Мицкоски од Гостивар, каде што учествуваше на трибината по повод Меѓународниот ден на мајчиниот јазик.