Поранешната на Леонардо Дикаприо осудена поради затајување данок ФОТО

Израелскиот супермодел Бар Рафаели и нејзината мајка потпишаа спогодба со обвинителството поради затајувањето данок, врз основа на што манекенката ја прифатила вината со цел да ја избегне затворската казна.

Бар Рафаели наместо на затвор е осудена на девет месеци корисна работа, а нејзината мајка Ципи Рафаели ќе биде зад решетки 16 месеци.

Двете ќе бидат дополнително осудени на условни казни и ќе мора да платат по 720.000 долари, како и поврат на данокот од 2,3 милиони долари, јавуваат израелските медиуми.

Обвинителите соопштија дека 34-годишната Бар Рафаели прикрила стотици милиони долари заработувачка од Даночната управа од 2009 до 2012 година, кога живеела делумно во странство, а делумно во Израел.

Рафаели тврди дека живеела претежно во странство, а обвинителите велат дека лаже и дека не ги пријавила приходите, скапите подароци и попустите што ги добивала додека била во Израел.

Супермоделот исто така тврди дека не знае ништо за напорите да ја скрие заработувачката во тој период.

Таа во јули минатата лани поднесе жалба до Високиот суд на правдата на пресудата на понискиот суд да плати данок на заработувачката во странство.

Рафаели рекла дека нејзиниот однос со холивудскиот актер Леонард Дикаприо бил доволно близок за да се сметаат за семејство и дека живее во САД, а не во Израел.

FOTO: Jutjub