Поради заболени ракометари со ковид-19, одложен натпреварот Вардар-ПСЖ

Македонскиот ракометен гигант Вардар 1961 на својата фејсбук страна соопшти дека е одложен натпреварот од Лигата на шампионите против францускиот претставник ПСЖ.
Овој натпревар беше закажан за 10 декември 2020 година во СЦ „Јане Сандански“ – Скопје.

РК Вардар 1961 ја известува јавноста дека во своите редови се појавија новозаразени членови од ковид-19.

Од клубот велат дека веднаш била информирана Европската ракометна федерација (ЕХФ) која треба да го закаже дуелот во друг термин.

Во групата „А“ „црвено-црните“ предводени од тренерот Стевче Алушовски се на шестата позиција со три бода од пет натпревари, а ПСЖ е четвртопласиран со шест бода од шест натпревари.