Поради одмазда поранешната сопруга четири пати ја испратил во карантин

Вработен во израелска здравствена установа е осомничен дека ја испратил својата поранешна сопруга во карантин четири пати поради вирусот ковид-19.

Полицијата соопшти дека 35-годишниот осомничен испратил четири СМС-пораки со наредба веднаш да бидат испратени на изолација, бидејќи во Израел е практика Министерството за здравство да испраќа пораки до граѓаните за да ги информира за изолацијата.

Барањата за изолација ги оправдувал со наводните контакти на поранешната жена со едно лице кое било заболено со ковид-19.

Откако жената поднесувала претставка до надлежните органи по секоја добиена СМС порака на службите, случајот им станал сомнителен и бил проследен до полицијата.

Поранешниот сопруг бил уапсен и се соочува со бројни обвинувања, меѓу другото, и за злоупотреба на службената положба.

Подоцна тој бил ослободен од затвор, но под строги услови.