Поради грешка на продавачот на бензинска пумпа освоил 2 милиони долари на лото

Маж од Мичиген, САД, имал доста среќа на лотарија откако вработен на бензинска пумпа по грешка му го продал добитниот билет за 2 милиони долари, јавува оваа недела Си-ен-ен.

Добитникот, кој не сакал да биде објавено неговото име, застанал на станицата во предградието на Детроит, бидејќи требало да смени пари за да ги напумпа гумите на возилото на неговата сопруга, објави лотаријата во Мичиген.

– Влегов да разменам пари и побарав билет од 10 долари за Лаки 7. Вработениот по грешка ми го даде оној 20 долари – рекол среќникот во соопштението.

– Тој понуди да го замени, но нешто ми зборуваше да го задржам. Среќен сум што го направив тоа – додал тој.

Педесет и седум годишниот маж одлучил да ја земе наградата еднократно, па ќе добие 1,3 милиони долари наместо целосната сума којашто би му била исплатена на рати.

Парите ќе ги искористи парите, како што рекол тој, да купи нова куќа, а остатокот да го стави настрана.