Попуштаат рестрикциите за патување во шест земји
Советот на ЕУ денеска прифати да ги олесни рестрикциите за патувања кон и од шест земји врз основа на епидемиолошката состојба.
Станува збор за граѓаните на Австралија, Нов Зеланд, Руанда, Сингапур, Јужна Кореjа и Тајланд.
Советот на ЕУ прифати дека за патувањата кон и од овие шест земји може да се олеснат рестрикциите на надворешните граници на ЕУ.
Можеби ќе ве интересира
ЕУ ги ревидира правилата за патување кон трети земји секои две недели врз основа на еволуцијата на епидемиолошката состојба.
Што се однесува до Кина, Хонгконг и Макао ЕУ е во исчекување на реципроцитетни мерки пред да одобри укинување на рестрикциите.
Олеснувањата важат за земјите од ЕУ и за четирите Шенген партнери – Исланд, Норвешка, Швајцарија и Лихтенштајн.