ПОПЛАВИТЕ ГО ОШТЕТИЈА ДАБНИЧКИ КАНАЛ ВО ПРИЛЕП Опасна дупка се појави на тротоарот
Вработените во РЦУК Прилеп утврдиле дека таа дупка претставува опасност за непретпазливи минувачи и можно е евентуално пропаѓање на асфалтот при минување на потешки возила.
Регионалниот ЦУК Прилеп известува дека по јавување на граѓанин за оштетување на коритото на „Дабнички канал“ на ул. „Кеј 19 –ти Септември“ наспроти објект – зграда 3 и е направена дупка што е проширена до работ со асфалтот од улицата.
Вработените во РЦУК Прилеп утврдиле дека таа дупка претставува опасност за непретпазливи минувачи и можно е евентуално пропаѓање на асфалтот при минување на потешки возила.
Известено е ЈП „Водовод и канализации – Прилеп“ и побарано е веднаш да се изврши обележување на местото за да се предупредат минувачите, а и возачите, да не поминуваат покрај самиот раб на коловозот.
За настанот е известена Единицата на локалната самоуправа (ЕЛС) Прилеп од каде што одговориле дека ќе превземат мерки во координација со МВР ПС Прилеп и другите надлежни институции.
– Со механизацијата и нашите екипи го чистиме Дабнички канал од смет. Нема прелевање од каналот, но сметот може да направи проблеми. Создадена е дупка што е проширена до работ со асфалтот до улицата. Ги санираме оштетувањата, го обележуваме местото со што минувачите се предупредени да внимаваат кога се движат во близина – вели Игор Гулабоски директор на „Водовод и канализација“.
Според Гулабоски нема големи проблеми со Градска река, но поради поројните врнежи, јавното комунално претпријатие денеска ќе интервенира во шест случаи на поплавени подруми на куќи, главно во населбата Тризла.