ПОПЛАВА НОСИ АВТОМОБИЛИ ВО ИТАЛИЈА Двајца убиени во пороите, луѓето не смеат да излегуваат од дома (ВИДЕО)
Двајца постари мажи се првите жртви на невидените и безмилосни поплави во Сицилија, а власта на островот наредила никој да не излегува од дома. Сепак, водата и калта веќе навлегува во некои домови.
Поплави, порој и обилни дождови носеа автомобили и земаа две жртви на италијанскиот остров Сицилија, а некои бурата ја споредуваат со „насилен ураган“, пишува Јутарни. Бурата доаѓа како одговор на ерупцијата на вулканот Етна, а на луѓето им е забрането да излегуваат од дома иако големо количество вода и кал веќе влегуваат по домовите.
Catania, Sicily after three days of storms pic.twitter.com/9Nk4Qk6sTW
— ian bremmer (@ianbremmer) October 26, 2021
Првата жртва, 53-годишен маж загина кога неговото возило беше пронајдено во водата во Катанија, на источниот брег на островот, објави во вторникот агенцијата АНСА. Полицијата верува дека тој излегол од возилото и се обидел да побегне од надојдената вода, но не успеал. Неговото безживотно тело било пронајдено во близина.
In #Sicilia it has been raining for 3 days without stopping. This is the situation in #Catania, now. My thoughts are there. Come on wonderful people ❤ pic.twitter.com/k7955Hz9SR
— Alex Milone (@AlexMilone) October 26, 2021
Во слична трагедија во неделата, 67-годишен маж загина во Катанија, откако неговиот автомобил се заглавил во вода и кал. По неговата сопруга сè уште се трага, соопштија од итните служби. Ретка бура слична на ураган вчера ги поплави источните делови на Сицилија и соседна Калабрија.
non ne parla nessuno ma Catania è sommersa dall’acqua pic.twitter.com/slmti1N8m7
— chiara🍂 (@chiaraconlach) October 26, 2021
Градоначалникот Салво Поглиезе на Фејсбук напиша дека бурите „никогаш не биле толку насилни и со таков интензитет“. Тој нареди од безбедносни причини до полноќ да се затворат сите деловни објекти, освен аптеките и намирниците.
At least two people have died after a rare cyclonic storm battered Sicily leaving parts of the Italian island submerged.
Read more here: https://t.co/EGOZ4SzcYs pic.twitter.com/NCxmSkg3YD
— Sky News (@SkyNews) October 27, 2021
Бурата веројатно ќе продолжи и во следните денови, информираат градските власти.