🎥 ПОМОШНИК МИНИСТЕР ВО МВР ДИСЦИПЛИНСКИ ЌЕ ОДГОВАРА ЗА ХАОСОТ СО ЛИЧНИТЕ ДОКУМЕНТИ Доверлив извештај на Внатрешната контрола доставен и до Јавното обвинителство
Во поткастот на Плусинфо, министерот за внатрешни работи Панче Тошковски открива детали за одговорноста за катастрофалното менаџирање на операцијата на замена на старите лични документи со нови.
Одделот за внатрешна контрола на МВР подготвил доверлив извештај, во кој се констатирани пропусти на двајца помошници во Министерството за внатрешни работи во врска со лошото планирање и катастрофално менаџирање на процесот на набавка и издавање лични документи со новото уставно име.
За еден од помошниците ќе биде поведена дисциплинска постапка, додека за другиот истекол рокот од 12 месеци да се стори тоа, изјави министерот за внатрешни работи Панче Тoшковски, во поткастот на Плусинфо.
Можеби ќе ве интересира
Извештајот е доставен до Јавното обвинителство на натамошно постапување согласно со законот, вели министерот.
Во овој дел од видео-интервјуто Тошковски детално зборува за одговорноста на своите двајца помошници: