Поминав предолго време посакувајќи да сум „нормална“
Нашата соговорничка Викторија Пенова која боледува од една од најретките болести во светот - Fybrodysplasia ossificans progressiva (FOP), во разговорот за „Мајка и дете“ вели: „Ми требаше време за да сфатам дека сите луѓе се посебни и секој на свој начин е нормален. Насмевката е мое најсилно оружје и сакам со неа и со моите постапки да ги инспирирам другите и да докажам дека иако мојот живот е полн со предизвици, ги исполнувам сите поставени цели“
Вчера (1 февруари), започна националната кампања „Ги запознаваме ретките болести 2021“, чија цел е да се подигне јавната свест за проблемите и предизвиците со кои се соочуваат заболените од ретки болести и нивните семејства. Како свој придонес за подигање на свеста за ретките болести, ќе објавиме неколку интервјуа со луѓе кои боледуваат од некое ретко заболување и ќе се обидеме поблиску да ве запознаеме со нив.
Нашата соговорничка Викторија Пенова ја запознавме пред четири години, кога за неа, за нејзината болест и за животот на целото семејство со оваа болест, зборувавме со нејзината мајка.
Во меѓувреме, Викторија која тогаш имаше 17 години, станала веќе сериозна 21-годишна девојка и студентка. Овојпат зборувавме со неа за тоа како таа ја доживува и ја живее својата состојба, што се случувало со неа во изминативе четири години и за уште многу нешта за кои Викторија зборува со неверојатна леснотија и со широка насмевка.
Прочитајте повеќе на порталот „Мајка и дете“.