Полицискиот час за 59 граѓани не беше пречка да прошетаат по 19 часот

Изминатото деноноќие полицијата откри  59 граѓани кои не ја почитувале забраната за движеле од 19 до 05 часот. При тоа, како што соопштија од Министерството за внатрешни работи приведени се 46 лица, а за останатите се земени податоци и ќе следуваат соодветни мерки.

Полицијата во истиот период затекнала и  28 граѓани кои не носеле маски.

За последните 24 часа на територијата на земјата на 96 лица им се издадени решенија за изолација, а 65 лица потпишале изјави за самоизолација.

Од страна на полициски службеници извршени се контроли кај лица во изолација и самоизолација, не се евидентирани лица кои не ја почитувале мерката за изолација и самоизолација.