ПОЛИЦИЈАТА ТРЕНИРА ВО ОХРИД, ГРАЃАНИТЕ ДА НЕ ШЕТААТ ОКОЛУ „ИНЕКС“ Три дена ќе биде ограничено движењето покрај делови од Езерото
Од денеска до 17 октомври ќе има комплетна забрана за движење по пешачките патеки околу комплексот „Инекс“, како и забрана за паркирање на паркинг просторот кај хотелот „Инекс Олгица“.
Охридска полиција соопшти дека од денеска во Охрид почнуваат подготвителни активности за показната симулациска вежба која, припадници на МВР ќе ја реализираат на 17 октомври, четврток, кај каналот „Студенчишта“ и на одредени точки во водите на Охридското езеро.
Поради тоа, од денеска до 17 октомври, од 05 до 13 часот, полициската станица за граничен надзор „Охридско езеро“ во соработка со Капетанија на пристаништата, ќе спроведат ограничување на внатрешната пловидба на дел од пловниот пат од каналот до комплексот „Инекс“.
Од денеска до 17 октомври ќе има комплетна забрана за движење по пешачките патеки околу комплексот „Инекс“, како и забрана за паркирање на паркинг просторот кај хотелот „Инекс Олгица“. На 17 октомври, на денот на изведување на показната вежба, од 10 до 13 часот, забрана за движење ќе има и на пешачката патека од мостот кај каналот „Студенчишта“.
Полицијата ги замолува граѓаните да ги почитуваат насоките на полициските службеници кои, на овој простор ќе преземаат мерки од областа на безбедноста.