ПОЛИЦИЈАТА РАШТРКАНА НИЗ СКОПЈЕ Од МВР ги потврдија дојавите за бомби, се празнат и ТЦ Бисер, Флатрон и ПС Центар

Се празнат и ТЦ Бисер, станбениот објект Флатрон и полициската станица Центар, ни потврдија од МВР, објекти за кои покрај седумте средни училишта, Транспортниот центар и трговскиот центар Ист Гејт Мол, била пристигната дојава за поставена експлозивна направа.

– Денеска (09.12.2022) околу 09.30 часот во СВР Скопје било пријавено дека на електронска адреса на седум средни училишта во Скопје е упатена закана за поставена експлозивна нaправа. Веднаш по добиената пријава, од полициски службеници се преземени мерки за безбедно евакуирање на училиштата и во тек се антитерористички проверки и се преземаат мерки за расчистување на случаите – велат до МВР за Плусинфо.

Оттаму додаваат дека исто така, пријавено е дека на електронска адреса била упатена закана за поставена експлозивна направа и во ТЦ Ист Гејт, ТЦ Бисер, Транспортен центар, Флатрон и ПС Центар.

– Веднаш се преземени неопходните мерки за безбедно евакуирање на објектите и во тек се антитерористички проверки и се преземаат мерки за расчистување на случајот – нѐ информираа од МВР.

БОМБАШИТЕ ВЧЕРА ПРАЗНУВАА Евакуација на неколку средни училишта во Скопје по дојава за бомби

ВРИЕ ОД ПОЛИЦИЈА НА ЖЕЛЕЗНИЧКА Дојава за бомба ги испразни двете станици и локалните дуќанчиња, сообраќајот е блокиран

ПОЛА СКОПЈЕ СЕ ЕВАКУИРА По Железничка и неколку школи, дојава за бомба и во Ист Гејт Мол