Полицијата кај Миравци откри 13 Пакистанци и го приведе возачот кој се обиде да побегне
По целосно документирање на случајот, против возачот ќе биде поднесена соодветна пријава.
Полицијата во невообичаена акција откри 13 мигранти од Бангладеш, а возачот кој се обидел да избега го привеле.
Како што соопшти полицијата вчера на регионалниот пат Гевгелија-Дојран, на крстосница „Ѓавато“, полициски службеници од Полициска станица за граничен премин и граничен надзор Богородица забележале патничко возило „фолксваген пасат“ со бугарски национални ознаки во кое се превезувале поголем број на лица и кое се движи од Богданци кон Гевгелија. Полицајците со возило се упатиле кон него. На крстосницата Гевгелија „фолксвагенот“ се вклучил на автопатот кон Скопје, а на крстосницата с.Миравци–с.Милетково, поради неприлагодена брзина, излетал од патот. Возачот го напуштил возилото и побегнал, а поплицајците во возилото пронашле 13 мигранти од Бангладеш кои ги привеле. Набргу потоа, возачот бил пронајден и предаден во СВР Струмица. Се работи за Б.Ј.(22) од Богданци.
По целосно документирање на случајот, против него ќе биде поднесена соодветна пријава.