ПОЛИЦАЕЦ ВОЗЕЛ ПИЈАН, ДИВЕЕЛ И НАПАЃАЛ Скандалозно однесување на вработен во МВР
Како што соопштија од Министерството за внатрешни работи, кривичната пријава против Л.Д. (26) од село Зелениково е поднесена до Основното јавно обвинителство Скопје, поради постоење основи на сомнение за сторено кривично дело „безобѕирно управување со моторно возило“ согласно член 297-а од Кривичниот законик.
Полициски службеник од Зелениково доби кривична пријава од Одделот за внатрешна контрола при МВР, откако возел пијан, го пресекол патот на друго возило, а потоа и физички го нападнал возачот.
Како што соопштија од Министерството за внатрешни работи, кривичната пријава против Л.Д. (26) од село Зелениково е поднесена до Основното јавно обвинителство Скопје, поради постоење основи на сомнение за сторено кривично дело „безобѕирно управување со моторно возило“ согласно член 297-а од Кривичниот законик.
Л.Д., кој е полициски службеник во Секторот за известување и координација на состојби во МВР, на 21 април 2025 година, на подрачјето на Кисела Вода, управувал моторно возило под дејство на алкохол со концентрација од 1,65 промили. Притоа, возејќи на полна линија, го пресекол патот на друго возило, загрозувајќи ја безбедноста на возачот и патниците.
Откако двете возила застанале, пријавениот упатувал закани кон другиот возач и физички удирал по неговото возило.
Покрај кривичната пријава, Одделот за внатрешна контрола, криминалистички истраги и професионални стандарди поднел и предлог за поведување постапка за утврдување на одговорност за кршење на работната дисциплина од страна на Л.Д.