ПОЛ МАКАРТНИ ОТКРИ НЕПОЗНАТ ДЕТАЉ Она што ми го кажа Џон Ленон пред смртта ме шокираше

Пол Макартни (81) се осврна на животот на Џон Ленон на поткастот на радиото „Ајхерт“ и откри како починатиот член на „Битлси“ размислувал за смртта со години, пред да биде убиен пред својот стан во Њујорк на 40-годишна возраст.

Макартни откри дека Ленон бил нервозен што не знаел како луѓето ќе го паметат по неговата смрт: „Се сеќавам како ми кажа дека е загрижен како луѓето ќе го паметат кога ќе умре и тоа многу ме шокира. Реков дека сите ќе го паметат како одличен музичар затоа што направи многу за да го докаже тоа“.

„Бев на некој начин како негов свештеник. Честопати ќе морав да кажам: „Синко, ти си одличен, не грижи се за тоа“ и тој ќе го прифатеше тоа. Тогаш ќе се чувствував многу подобро“, додава тој.

Макартни откри и како било да се работи со Ленон: „Кога некој ќе ме праша како било да се работи со Џон, велам дека било неверојатно“.

Тој се присети и на моментот кога дознал дека Ленон е убиен на 8 декември 1980 година, а веста за неговата трагична смрт одекна во светот: „Не можев да кажам со зборови. На сите им беше тешко бидејќи беше толку сакан и луд тип. Тој беше навистина посебен“.