ПОДГОТВЕТЕ СЕ ЗА КАПИТУЛАЦИЈА НА УКРАИНА! Русија испрати порака до западните земји
Украина денес не е ништо друго туку приватна воена компанија која се бори за Западот и со западно оружје до последниот Украинец - истакна постојаниот претставник на Русија во Обединетите нации, Василиј Небензја на седницата на Советот за безбедност на ОН.
Наскоро единствена тема на меѓународните состаноци за Украина ќе биде безусловната капитулација на режимот во Киев, најави постојаниот претставник на Русија во Обединетите нации, Василиј Небензја, советувајќи ги западните земји да се подготват за тоа.
– Обидите на шефот на режимот во Киев (Владимир Зеленски) да ги промовира своите формули и да свикува самити како знак на поддршка за режимот во Киев само предизвикуваат сомнежи. Наскоро единствена тема на сите меѓународни состаноци за Украина ќе биде безусловната капитулација на режимот во Киев. Ве советувам однапред да се подготвите за тоа – рече Небензја на седницата на Советот за безбедност на ОН.
Според Небензја, новите западни пакети помош нема да придонесат за пресвртници во конфликтот во Украина.
– Пред нашите очи се случува радикален пресврт во воените операции. Ниту новиот пакет на западна воена помош, ниту новите таканаречени „фронтални напади“, ниту контранападите на режимот во Киев нема да можат да ја променат оваа тенденција. Украина денес не е ништо друго туку приватна воена компанија која се бори за Западот и со западно оружје до последниот Украинец – рече Небензја.
Рускиот претставник во ОН исто така рече дека масовните напади на Русија со високопрецизно оружје врз енергетскиот комплекс на Украина се одговор на обидите на Киев да ја оштети руската нафтена и гасна инфраструктура и енергетски капацитети.
Небензја објави дека жителите на голем број украински градови почнале активно да ги споделуваат координатите на украинската армија со Русија.
– Во последно време, украинската армија почна отворено да се жали дека локалните жители во Харков, Одеса, Миколаев, Дњепропетровск и другите градови и региони на Украина почнаа активно да ги споделуваат со нашата армија координатите на воените магацини на вооружените сили на Украина и местата каде што се лоцирани воените резервите. Ова јасно го покажува вистинскиот однос на цивилното население кон она што се случува – рече Василиј Небензја.