ПОДАРОК ЕКСПЛОДИРАЛ ВО ПОЛИЦИЈАТА ВО ВАРШАВА Командантот бил даруван во Украина
Подарок што командантот на полската полиција го добил при неодамнешната посета на Украина експлодирал во полициско седиште во Варшава и полесно се повредени командантот и еден државен службеник, соопшти денеска МВР на Полска.
Експлозијата се случила вчераутро, соопшти Министерството.
Командантот е задржан во болница поради набљудување, додека за другиот повреден не била потребна хоспитализација.
Можеби ќе ве интересира
Нема информации каков предмет добил полскиот командант за време на работната посета на Украина.
Во неделата и во понеделникот командантот се сретна со лидерите на украинската полиција и со службите за итни случаи, соопшти Министерството.
По експлозијата „полската страна побара објаснување од украинската страна”, се наведува во соопштението.