ПОЧНУВА ПОСЛЕДНАТА ФАЗА ОД РЕКОНСТРУКЦИЈАТА НА ОРЦЕ НИКОЛОВ Еве како ќе се движат граѓаните од околните улици?

Последна фаза од реконструкцијата на улицата Орце Николов во Дебар Маало почнува утре, а треба да заврши за еден месец, информира Општина Центар.

Проектот на целосна реконструкцијата на улицата опфаќа површина од вкупно 7.182 квадратни метри и чини 64.847.608 денари кои се обезбедени од Буџетот на Општина Центар.

Оваа фаза од реконструкцијата предвидува целосно затворање на улицата Орце Николов  до раскрсницата со улицата Франклин Рузвелт.

– Во овој потег се предвидува затворање на улицата Ѓорѓи Пулевски. Истата улица се предвидува да биде двонасочна и со тоа ќе се овозможи пристапување на жителите со што се забранува паркирање по должина на улицата Ѓорѓи Пулевски и на дел од улицата Благоја Давков.  Се затвора и пристапот преку тротоар до улица Донбас, со тоа што жителтите по истата ќе пристапуваат преку улицата Алберт Ајнштајн. Сите приоди по должинa на улицата се затвораат – појаснуваат од Општина Центар.

Реконструкцијата на оваа собраќајница треба да воведе ред во сообраќајот, да даде хумана димензија и да го врати препознатливиот лик на една од најважните центарски улици, Орце Николов.

– Со стеснувањето на коловозните ленти, системот на паралелно паркирање и воведувањето на физички мерки за ограничувања на улицата, посочуваат од општината, се зголемува безбедноста на одвивање на сообраќајот, а со изведбата на нови тротоари и велосипедски патеки, особено внимание им се посветува на пешаците и велосипедистите – велат од општината.