ПОЧНУВА ФЕСТИВАЛОТ AERO STREET FOOD Храна, музика и натпревари во брзо јадење

Во паркот „Авионче“ од денеска до 8 септември ќе се одржи првиот фестивал на улична храна во Општина Аеродром (AERO Street Food Festival), на кој ќе биде понудено уникатно гастрономско и музичко доживување за сите генерации.

Фестивалот се очекува да обедини 14 познати брендови за храна (Jojo’s BBQ, Oljo’s, Fat Kitchen, Sorelle Focaccia, Lora’s Sushi, Bistro 64, 15 за 12, Milkey, Destan, Smash Burger, La Pizza и Ноа Гирадико) со богата понуда од четири различни кујни: А – американска, Е – европска, Р – регионална и О – ориентална.

Фестивалот секоја вечер од 17:30 до 00:30 часот ќе нуди музичка програма со настапи на Рингтонс, Southpark, Breakdown band, Goce SAF, DJ Aleksandar Jordanov, DJ Marko, DJ Micov, DJ Shime, DJ Mono, DJ Foodieman, DJ Guardian и DJ Fico.

Програмата ќе биде збогатена и со интерактивни активности како натпревари во јадење ќебапи, хартиени авиони, квизови, трки и други забавни предизвици со награди.

– Првиот фестивал на улична храна во нашата општина е одлична можност да се афирмира урбаната култура и заедништвото преку храната, музиката и позитивната енергија. Убеден сум дека паркот „Авионче“ во септември ќе биде новото омилено место на жителите и посетителите на Аеродром – изјави в.д. градоначалникот на Општина Аеродром, Дејан Митески.

Влезот е бесплатен.

AERO Street Food festival е ново доживување во Скопје, реализирано со поддршка од Општина Аеродром.