ПОЧИНАА 6.000 ГРАЃАНИ, А ВЛАСТА ДУРИ СЕГА ЌЕ ТЕРА КАМПАЊА Заев и Филипче ќе си одат на 17 октомври, порачува ВМРО-ДПМНЕ
„Во меѓувреме, ги поделија граѓаните, воведоа фашизоидни мерки и сега ќе терале кампања. Филипче и Заев ако сакаат да ги мотивираат граѓаните има милион начини како да го сторат. Но, доцнат премногу, вели опозицијата.
По повеќе од девет месеци или кон крај на минатата година кога во сите земји стартуваше вакцинацијата против корона, во Македонија ништо не беше на повидок ниту вакцини, ниту пак како да се стимулираат граѓаните да се вакцинираат. Сега, повеќе од десет месеци по тоа, Зоран Заев и Венко Филипче решија да организираат кампања за да ги поттикнеле граѓаните на вакцинација, реагира ВМРО-ДПМНЕ.
„Во меѓувреме, ги поделија граѓаните, воведоа фашизоидни мерки и сега ќе терале кампања. Филипче и Заев ако сакаат да ги мотивираат граѓаните има милион начини како да го сторат. Но, доцнат премногу.
Поради нивната неспособност се случи и четврти бран, поради нивна неспособност не е организиран здравствениот систем за ниту еден бран од почетокот на пандемијата, поради нивната неспособност бројката на починати од корона се движи кон шест илјади починати. Од 17 октомври ќе почне крајот на политичари како Заев и Филипче!“, порача ВМРО-ДПМНЕ.
Владата ќе потроши 300.000 евра за рекламна кампања за вакцинација против ковид- 19.
На сајтот на Бирото за јавни набавки е објавена оваа сума за кампањата „Вакцинирај се“, за која граѓаните веќе реагираат дека е бесмислена и задоцнета и дека ова е неразумно трошење на народните пари.
Кампањата за вакцинација денеска ја најавија премиерот Зоран Заев и министерот за здравство Венко Филипче, а според опозицијата, двоецот Заев- Филипче доцни повеќе од девет месеци.