ПОЧИНА РОДИЛКА НА 26 ГОДИНИ НА ГИНЕКОЛОГИЈА ВО ЧАИР Жената била донесена во тешка здравствена состојба

Синоќа на Гинекологија во  Чаир почина родилка на 26 години, информира Министерството за здравство.

Како што е соопштено, на родилката со царски рез ѝ било извадено машко бебе кое по смртта на мајката е  пренесено на Клиниката за детски болести. Жената која имала висок крвен притисок, на гиноколигија е донесена во многу лоша здравствена состојба, при што е утврдено и дека бременоста не била соодветно конторлирана.

„Пациентката, прворотка која била во 36 седмица од бременоста, во болница била донесена во многу тешка здравствена состојба, со висок крвен притисок и отежнато дишење. Во вакава лоша состојба таа била во предходните 4 дена во кои ниту еднаш, до вчеравечер не побарала лекарска помош. На увид од извештаите во електронската база „Мој термин“ констатирано е дека станува збор за недоволно контролирана бременост, со само една предходна контрола во 30 недела од бременоста кога за првпат е утврено присуство на висок пристисок. Тогаш на пациентката и била ординирана терапија и дадени напатствија за интензивен мониторинг и болнички контроли. Според кажувањето на семејството, пацинетката не одела на контроли, а терапија пиела повремено“, се вели во соопштението.

Синоќа, кај пациентката дошло до бурно влошување на и така лошата здравствена состојба, со знаци за сериозно компромитирање на белодорбната функција со развој на белодробен едем, пад на сатурацијата под 80 отсто, белодробен наод и агитираност.

„Истовремено мониторингот на плодот покажал сериозно загрозување на благоостојбата на плодот. Поставена е индикација за crash интубација и итен царски рез. Во операциона сала паралелно по интубацијата констатиран кардиоциркулаторен колапс и паралелно со постапки за кардио-пулмонална ресусцитација отпочнат е царски рез. Породен е жив машки плод кој по иницијалната стабилизација е префрлен на Клиника за детски болести. Кај пациентката, за жал и покрај сеопфатни мерки за ресусцитација уследила општа срцевобелодробна декомпензација и кај пациентката во 22.10 часот настапи смрт“, се вели во соопштението.